ஜனாதிபதிக்கு நீதித்துறையின் மேலதிக அதிகாரங்களை வழங்கும் 19 வது திருத்தச்சட்டம் மிக விரைவில்

நீதித்துறையின் மேலதிக அதிகாரங்களை ஜனாதிபதிக்கு வழங்கும் பத்தொன்பதாவது அரசியல் திருத்தச்சட்டம் மிக விரைவில் பாராளுமன்றத்துக்குச் சமர்ப்பிக்கப்படவுள்ளது.
பிரஸ்தாப திருத்தச்சட்டம் பாராளுமன்றத்தில் நிறைவேற்றப்படும் பட்சத்தில் நீதிச்சேவை ஆணைக்குழுவின் செயலாளரை நியமிக்கும் அதிகாரமும் ஜனாதிபதிக்கு கிட்டவுள்ளது. இதுவரை காலமும் அந்த நியமனத்தை நீதிச்சேவை ஆணைக்குழுவே மேற்கொண்டிருந்தது.

அத்துடன் பிரதம நீதியரசரின் பதவிக்காலமும் ஐந்து வருடங்களுக்கு மட்டுப்படுத்தப்பட்டுள்ளது. தற்போதைய நடைமுறைச் சட்டங்களின் பிரகாரம் பிரதம நீதியரசர் பதவியில் இருப்பவர் 65 வது வயது வரை அப்பதவியை வகிக்கலாம்.

ஆயினும் புதிய திருத்தச்சட்டத்தின் பிரகாரம் ஐந்து வருட பதவிக்காலம் அல்லது 65 வயதுப் பருவம் என்ற இரண்டு விடயங்களில் எது முதலில் வருகின்றதோ அதனை அமுல்படுத்த தீர்மானிக்கப்பட்டுள்ளது.